Mynd: EPA-EFE - EPA
Athugið þessi frétt er meira en 1 mánaða gömul.
Hagvaxtarspá Þýskalands lækkuð
Áætlað er að þriggja prósenta hagvöxtur verði í Þýskalandi á þessu ári. Þetta kemur fram í yfirlýsingu sem Peter Altmaier efnahagsráðherra sendi frá sér í dag. Samkvæmt efnahagsspá stjórnvalda sem birt var í október síðastliðnum var gert ráð fyrir að vöxturinn yrði 4,4 prósent. Ástæðan fyrir lækkuninni eru harðar sóttvarnarráðstafanir með lokunum vegna COVID-19 farsóttarinnar.
Þýsk stjórnvöld eru áhyggjufull vegna stökkbreyttra afbrigða kórónuveirunnar sem breiðast hratt út. Horst Seehofer innanríkisráðherra sagði í blaðaviðtali í gær að útlit væri fyrir að aðgerðir yrðu hertar til að koma í veg fyrir útbreiðslu veirunnar, jafnvel að stöðva millilandaflug nánast alveg.
