Athugið þessi frétt er meira en 1 mánaða gömul.

Frumsýningu James Bond enn frestað

Mynd með færslu
 Mynd: No Time To Die

Frumsýningu James Bond enn frestað

22.01.2021 - 09:37

Höfundar

Frumsýningu nýjustu kvikmyndarinnar um ævintýri njósnara hennar hátignar James Bond hefur enn verið frestað vegna kórónuveirufaraldursins. Kvikmyndaunnendur þurfa að bíða enn um sinn eftir að geta séð fjölda stórmynda á hvíta tjaldinu.

Nú er gert ráð fyrir að No Time to Die verði frumsýnd 8. október þannig að aðdáendur njósnarans þurfa enn að bíða eftir því að sjá Daniel Craig túlka hann í síðasta skipti.

Fram kemur á vef The Guardian að ætlunin hafi verið að frumsýnt yrði í apríl en ástæða frestunarinnar er sú að kvikmyndahús um víða veröld eru lokuð og ekkert vitað hvenær starfsemi þeirra færist í fyrra horf.

Því hefur talsverðum fjölda stórmynda verið frestað æ ofan í æ frá því að faraldurinn skall á. No Time to Die var fyrsta stórmyndin sem frestað var á síðasta ári en til stóð að frumsýna hana í apríl það ár.

Ekkert varð heldur af sýningu myndarinnar í nóvember því framleiðendur hennar ákváðu í október að slá frumsýningu enn á frest. Nú teygist enn og aftur á því að Bond mæti í bíó.

Afþreyingariðnaðurinn um allan heim hefur orðið fyrir þungum höggum vegna faraldursins, fjölda viðburða af margvíslegu tagi hefur verið frestað eða þeir alveg slegnir af.

Í gær barst til að mynda tilkynning þess efnis að Glastonbury tónlistarhátíðinni hefði verið frestað annað árið í röð.

Tengdar fréttir

Erlent

Kvikmyndahús opnuð að nýju smám saman

Erlent

Njósnari hennar hátignar í Færeyjum

Erlent

Frumsýningu James Bond frestað vegna COVID-19