Athugið þessi frétt er meira en 1 mánaða gömul.

Davíð Snorri taki við U21 landsliði karla

Mynd með færslu
 Mynd: KSÍ

Davíð Snorri taki við U21 landsliði karla

20.01.2021 - 15:42
Arnar Þór Viðarsson, nýráðinn þjálfari karlalandsliðsins í fótbolta, segir að verið sé að ganga frá ráðningu Davíðs Snorra Jónassonar sem þjálfara U21 landsliðs karla. U21 árs liðið er á leið á EM sem hefst í mars næstkomandi.

Þetta kemur fram í viðtali við Arnar Þór í Dr. Football hlaðvarpinu. Þar segir Arnar að ætlunin sé að ráða Davíð Snorra sem þjálfara liðsins. „Það er verið að reyna að klára það núna. Ég er alveg pottþéttur á því að Davíð Snorri mun gera þetta frábærlega. Sama með strákana," segir Arnar Þór Viðarsson.

Arnar þjálfaði U21 árs landsliðið og kom því inn á EM sem hefst í mars á þessu ári. Eiður Smári Guðjohnsen, sem var aðstoðarþjálfari Arnars hjá U21 liðinu, fylgir honum í teymið hjá A-landsliðinu.

Davíð hefur þjálfað U17 landsliðið undanfarin ár og var aðstoðarmaður Þorvaldar Örlygssonar hjá U19 landsliðiði karla. Þá þjálfaði hann Leikni og var aðstoðarþjálfari Stjörnunnar.