Athugið þessi frétt er meira en 1 mánaða gömul.

Þungvopnaður maður handtekinn í Washington

epa08942609 A lock on a security fence around the US Capitol building in Washington, DC, USA, 16 January 2021. At least twenty thousand troops of the National Guard and other security measures are being deployed in Washington to help secure the Capitol area in response to potentially violent unrest around the inauguration of US President-elect Joe Biden.  EPA-EFE/JUSTIN LANE
 Mynd: EPA-EFE - EPA
Þungvopnaður maður var handtekinn við öryggishlið nærri þinghúsinu í Washington fyrr í dag. Maðurinn hefur verið nafngreindur, heitir Wesley Allen Beeler og er búsettur í Virginíu-ríki.

AFP-fréttastofan hefur eftir lögreglu að í fórum Beelers hafi fundist skammbyssa, mikið magn skotfæra, haglaskot og skothylki fyrir byssuna. Lögreglan stöðvaði hann þar sem hún taldi skilríki hans ekki veita honum aðgang að innsetningarathöfninni. Fjölmiðlar vestanhafs hafa eftir fjölskyldu Beelers að hann sé öryggisvörður hjá einkareknu fyrirtæki og hafi ekki haft neitt illt í huga.

Þúsundir þjóðvarðliða hafa verið kallaðar til varðgæslu í höfuðborginni og götur í miðborginni eru lokaðir almennri umferð með steinsteyptum vegatálmum. Neyðarástand hefur verið í gildi í borginni frá 11. janúar og gildir til 24. janúar. 

Fréttin var uppfærð 17. janúar klukkan 00:20.