Hægt að fara í líkamsrækt og á skíði
Heilbrigðisráðherra hefur sett nýjar reglur um samkomutakmarkanir.
Á morgun má aftur opna líkamsræktarstöðvar. Það verða þó ströng skilyrði um starfsemi þeirra.
Það má líka opna skíðasvæði á morgun, líka með ströngum skilyrðum.
Íþróttastarf barna og fullorðinna verður leyft með ákveðnum skilyrðum. Halda má íþróttakeppnir en áhorfendur eru ekki leyfðir.
Í sviðslistum verða reglurnar rýmkaðar. 50 manns mega vera á sviði. Í sal mega vera 100 fullorðnir og 100 börn með grímur. Það gildir líka um aðra menningarviðburði.
Við útfarir mega vera 100 manns. Börn, fædd 2005 eða síðar, teljast ekki með í þeim fjölda. Skylt verður að bera grímur. Fjöldi gesta í erfidrykkjum verður 20 manns í samræmi við almennar fjöldatakmarkanir.
Reglur um opnun og fjölda á veitingastöðum og börum verða óbreyttar.
Nýju reglurnar taka gildi 13. janúar og gilda til 17. febrúar.
