Mynd: EPA-EFE - EPA
Athugið þessi frétt er meira en 2 mánaða gömul.
Evrópuþingmaður krafinn skýringa á fordómafullum orðum
Viktor Uspaskich litháenskur þingmaður á Evrópuþinginu þarf að útskýra ástæður þess að hann kaus að kalla samkynhneigt og transfólk „öfugugga“ í myndbandi sem hann birti á Facebook síðu sinni. Honum er gefið svigrúm til fimmtudags til útskýringa og að biðjast afsökunar á orðum sínum.
Dacian Ciolos, forystumaður þess hóps þingmanna á Evrópuþinginu sem Uspaskich tilheyrir, krefst afsökunarbeiðni ella sjái hann til þess að þingmanninum verði vikið úr hópnum.
AFP-fréttastofan hefur eftir Ciolos að fái hann ekki svar eða það verði ófullnægjandi verði greidd atkvæði um áframhaldandi veru Uspaskich í hópnum.
Um sex vikur eru síðan Jozsef Szajer, ungverskur þingmaður Evrópuþingsins, sagði af sér eftir að hafa verið handtekinn eftir kynlífspartí í Brüssel.
