Sadiq Khan, borgarstjóri í Lundúnum. Mynd: EPA-EFE - EPA
Athugið þessi frétt er meira en 2 mánaða gömul.
Neyðarástand í Lundúnum vegna yfirfullra spítala
Borgarstjóri Lundúna, Sadiq Khan, hefur lýst yfir neyðarástandi í borginni vegna yfirfullra spítala. Vegna mikils fjölda sjúklinga með COVID-19 sé staðan tvísýn. Breskir fjölmiðlar greina frá því að hann grípi til þessa til að flýta fyrir auknum framlögum til heilbrigðiskerfisins.
Einn af hverjum þrjátíu Lundúnabúum eru smitaðir af veirunni sem stendur. Ef ekki verði gripið til aðgerða gæti farið svo að heilbrigðiskerfið ráði ekki við ástandið og fleiri eigi eftir að deyja. Faraldurinn sé farinn úr böndunum í borginni, segir borgarstjórinn.
Yfir sjö þúsund sjúklingar á spítölum borgarinnar eru með COVID. Það eru tvö þúsund fleiri en í fyrstu bylgunni í apríl. Nær eitt þúsund sjúklingar eru í öndunarvél.
BREAKING: I have declared a major incident in London because the threat this virus poses to our city is at crisis point.
One in 30 Londoners now has COVID-19. If we do not take immediate action now, our NHS could be overwhelmed and more people will die.https://t.co/OjV7SZ4BgQ
— Sadiq Khan (@SadiqKhan) January 8, 2021
Nýtt afbrigði veirunnar sem talið er smitast 50 til 70 hraðar milli fólks en önnur hefur dreifst hratt um landið. Miklar hömlur eru á daglegu lífi fólks, sem á helst ekki að fara út nema brýna nauðsyn beri til.
