Leikjadagskrá Íslands

Mynd með færslu
 Mynd: Mummi Lú - RÚV

Leikjadagskrá Íslands

07.01.2021 - 09:47
Íslenska karlalandsliðið í handbolta tapaði með tveggja marka mun fyrir Portúgal ytra í gærkvöld, 26-24 í undankeppni EM 2022. Þetta var aðeins fyrsti leikurinn af mörgum sem íslenska liðið spilar í janúar.

Ísland spilar við Portúgal á ný í undankeppninni á Ásvöllum í Hafnarfirði á sunnudag klukkan 16:00. Svo heldur liðið til Egyptalands þar sem það keppir á HM. Allir leikir Íslands á HM verða sýndir á RÚV og lýst í útvarpinu á Rás 2. Mun fleiri leikir frá mótinu verða svo einnig sýndir á rásum RÚV, flestir á RÚV 2.

Hér má sjá lista yfir beinar útsendingar frá HM fram undan.

Ísland er í F-riðli á HM í Egyptalandi með Portúgal, Alsír og Marokkó. Þrjú þessarra liða komast áfram í milliriðlakeppni mótsins. Þar bíða Noregur, Frakkland og Austurríki. Bandaríkin eru fjórða liðið í E-riðli, en liðið fer nú tæplega áfram í milliriðilinn.

Leikir Íslands fram undan

Dags. Viðburður Keppni Tími Rás
10. jan Ísland - Portúgal Undankeppni EM 16:00
 
14. jan Ísland - Portúgal HM í Egyptalandi 19:30
 
16. jan Ísland - Alsír HM í Egyptalandi 19:30
 
18. jan Ísland - Marokkó HM í Egyptalandi 19:30
 
20. jan Milliriðill HM í Egyptalandi  
 
22. jan Milliriðill HM í Egyptalandi  
 
24. jan Milliriðill HM í Egyptalandi  
 

Tvö efstu liðin í hverjum milliriðli komast svo í 8-liða úrslit HM. Þau verða leikin miðvikudaginn 27. janúar. Undanúrslitin eru svo spiluð föstudaginn 29. janúar og leikið um verðlaun sunnudaginn 31. janúar.