Athugið þessi frétt er meira en 2 mánaða gömul.

Lögreglumaður sem skaut Blake verður ekki ákærður

epa08921128 (FILE) - People protest the shooting of Jacob Blake by police in Kenosha, at Herald Square in New York, USA, 24 August 2020 (reissued 05 January 2021). The Kenosha County district attourney on 05 January 2021 announced that a police officer will not be charged in the shooting of unarmed black man Jacob Blake. Blake was shot in the back seven times by police offices in Kenosha, Wisconsin, on 23 August 2020, as he tried to enter a vehicle.  EPA-EFE/PETER FOLEY
 Mynd: EPA-EFE - EPA
Enginn verður ákærður eftir að lögreglumaður skaut Jacob Blake nokkrum skotum í bakið 23. ágúst síðastliðinn. Blake er lamaður fyrir neðan mitti. 

Michael Graveley umdæmissaksóknari í Kenosha þar sem atvikið átti sér stað, segir niðurstöðuna byggja á gildandi lögum um skotvopnanotkun lögreglumanna.

Það gæti reynst þrautin þyngri fyrir sækjendur í málinu að sanna að lögreglumaðurinn hafi ekki skotið Blake í sjálfsvörn. Atvikið hellti olíu á eld víðtækra mótmæla vegna fjölda svipaðra mála, þar sem lögreglumenn hafa skotið þeldökkt fólk, eða valdið dauða þess með öðrum hætti.

Myndskeið sýnir lögreglumann skjóta Blake nokkrum skotum í bakið í þann mund er hann sest inn í bíl sinn, þar sem þrjú börn hans sitja í aftursæti. Gravely saksóknari segir að Blake verði ekki ákærður fyrir nokkuð heldur, en lögreglumennirnir hugðust handtaka hann í aðdraganda þess að hann var skotinn.