Athugið þessi frétt er meira en 9 mánaða gömul.

28 skáld lesa inn nýárið

Mynd með færslu
 Mynd: - - Reykjavíkurborg

28 skáld lesa inn nýárið

01.01.2021 - 09:30

Höfundar

Ljóðalestur í vefstreymi úr húsi Benedikts Gröndal í Grjótaþorpi.

Fjórða árið í röð flytja skáld texta sína á meðan lesbjart er á fyrsta degi ársins. Að vanda fer lesturinn fram í húsi Benedikts Gröndal í Grjótaþorpi en sökum sóttvarnaráðstafana verður gestum ekki leyfður aðgangur að þessu sinni.

Þess í stað er dagskránni varpað út á netinu.

Fjöldi skálda kemur að viðburðinum en Reykjavík bókmenntaborg UNESCO er bakhjarl dagskrárinnar sem hefst klukkan tíu að morgni 1. janúar og stendur sleitulaust til sólseturs, klukkan fimm síðdegis.

Alls hefja 28 skáld upp raust sína. Í þeim hópi eru ungskáld og önnur eldri, konur og karlar, Íslendingar og einn gestur erlendis frá, kanadíska skáldkonan Anne Carson.

Meðal skálda sem lesa eru: Kristín Ómarsdóttir, Brynjar Jóhannesson, Dagur Hjartarson, Gerður Kristný, Ásdís Óladóttir, Hermann Stefánsson, Soffía Bjarnadóttir, María Ramos, Halla Þórlaug Óskarsdóttir, Guðrún Hannesdóttir , Anton Helgi Jónsson, Sigrún Björnsdóttir, Fríða Ísberg, Brynja Hjálmsdóttir, Ásta Fanney Sigurðardóttir, Björk Þorgrímsdóttir, Arndís Þórarinsdóttir, Sölvi Björn Sigurðsson, Sigurlín Bjarney Gísladóttir, Magnús Sigurðsson, Bergþóra Snæbjörnsdóttir og Ragnar Helgi Ólafsson.