Athugið þessi frétt er meira en 2 mánaða gömul.

Hætta sölu á umdeildum tölvuleik

Attendees walk past CD Projekt Red SA Cyberpunk 2077 video game signage displayed during the E3 Electronic Entertainment Expo in Los Angeles, California, U.S., on Wednesday, June 12, 2019.  Photographer: Patrick T. Fallon/Bloomberg
 Mynd: Yahoo

Hætta sölu á umdeildum tölvuleik

22.12.2020 - 15:15

Höfundar

Mikill styr hefur staðið um hinn nýútgefna tölvuleik Cyberpunk 2077, sem margir biðu með eftirvæntingu. Nú hefur Sony ákveðið að hætta sölu hans og Microsoft býður kaupendum endurgreiðslu.

Hér má hlýða á umfjöllun Lestarinnar á Rás 1 um Cyberpunk 2077.

Playstation Store, sem er í eigu Sony, tilkynnti í dag að sölu leiksins yrði hætt og allir sem hann hafa keypt geta fengið endurgreitt. Microsoft, sem selur leikinn gegnum Xbox Store, ætlar ekki að taka hann úr sölu en kaupendur geta óskað að fá endurgreitt.

Cyberpunk 2077 er framleiddur af pólska leikjaframleiðandanum CD Projekt Red. Upphaflega var hann kynntur árið 2012, aftur 2018 og 2019 birtist kynningarefni fyrir leikinn með leikaranum Keanu Reeves.

Útgáfu Cyberpunk 2077 var ítrekað frestað og gaf CD Projekt Red þær útskýringar að verið væri að vinna í hnökrum í honum. Hann hefur hlotið afar góða dóma gagnrýnenda frá því hann kom út 10. desember, þrátt fyrir galla á honum.

Frá útgáfu hafa notendur eldri gerða leikjatölva, Playstation 4 frá Sony og Xbox One frá Microsoft, ítrekað kvartað yfir vandræðum í spilun hans. Leikurinn er gjarn á að frjósa og vera hægvirkur, grafíkin léleg og jafnvel alfarið hætt að virka. Sony segir að ekkert sé fyrirtækinu mikilvægara en ánægðir viðskiptavinir og hefur því gripið til þessa ráðs.

Notendur nýjustu gerða leikjatölva, Playstation 5 og Xbox Series X, hafa ekki átt í jafn miklum vandræðum við spilun hans og það sama má segja um þá sem spila hann á öflugum PC-tölvum.

CD Projekt Red hefur tilkynnt að unnið sé hörðum höndum að því að uppfæra leikinn og viðurkennt að fyrirtækið hefði átt að einbeita sér meira að spilanleika hans á eldri gerðum leikjatölva. Það gerir ráð fyrir að uppfæra hann í janúar og febrúar.

Tengdar fréttir

Leiklist

Hefur fengið ótal vinabeiðnir síðan leikurinn kom út

Menningarefni

Senua þverar Ísland í leiknum Hellblade II

Menningarefni

Margar leyna kyni sínu til að forðast áreitni

Menningarefni

Svona lítur nýja PlayStation 5 tölvan út