Athugið þessi frétt er meira en 2 ára gömul.

Seyðisfjörður fer af neyðarstigi niður á hættustig

20.12.2020 - 14:41
Mynd með færslu
 Mynd: Hólmfríður Dagný Friðjónsd - RÚV
Enn er hætta á skriðuföllum á ákveðnum svæðum á Seyðisfirði og verða þau áfram rýmd. Þetta er mat ofanflóðasérfræðinga Veðurstofu Íslands sem, ásamt samstarfsaðilum, hafa metið hættu á frekari skriðuföllum á Seyðisfirði. Neyðarstig almannavarna hefur verið fært niður í hættustig í bænum og þeim íbúum sem búa utan þessara tilteknu svæða verður heimilt að snúa aftur.

Aflétting rýmingar fyrir hluta Seyðisfjarðar hefst klukkan 14:30.

Þeir íbúar sem fá að snúa aftur eru beðnir um að gefa sig fram við vegalokun á Fjarðarheiði. Í tilkynningu frá Almannavörnum segir að áríðandi sé að íbúar haldi sig sem mest heima við þegar þangað er komið og þar til um hægist.

Þær götur sem um ræðir eru þessar:

  • Dalbakki
  • Árbakki
  • Gilsbakki
  • Hamrabakki
  • Fjarðarbakki
  •  Leirubakki
  • Vesturvegur     
  • Norðurgata
  • Ránargata
  • Fjörður
  • Fjarðargata
  • Bjólfsgata
  •  Oddagata
  • Öldugata
  • Bjólfsbakki
  • Árstígur
  • Garðarsvegur
  • Hlíðarvegur
  • Skólavegur
  • Suðurgata að Garðarsvegi
  • Austurvegur að nr. 21
  • Langahlíð

Auk bæjanna

  • Dvergasteinn
  • Sunnuholt
  • Selsstaðir

Þeir íbúar sem ekki geta snúið til síns heima geta mætt og fengið upplýsingar á fjöldahjálparstöð í Egilsstaðaskóla á Egilsstöðum. Þeir íbúar sem ekki hafa bifreið til umráða gefi sig vinsamlegast fram í fjöldahjálparstöð í Egilsstaðaskóla. Í tilkynningunni segir að verslun á Seyðisfirði sé lokuð í dag og eru íbúar sem snúa til síns heima hvattir til þess að taka vistir og aðföng með.

Almenn umferð til Seyðisfjarðar er háð takmörkunum og óviðkomandi umferð til Seyðisfjarðar er óheimil sem fyrr.