Athugið þessi frétt er meira en mánaðargömul.

Eldur í bát í Reykjavíkurhöfn

30.11.2020 - 00:13
Eldur ´ibátnum Rexa við Grandagarð í Reykjavíkurhöfn, að kvöldi 29.11. 2020
 Mynd: Slökkviliðið á höfuðborgar
Eldur kviknaði í 20 tonna eikarbát sem liggur við Grandagarð í Reykjavíkurhöfn og er slökkvilið enn að störfum. Tilkynnt var um eldinn þegar klukkan var gengin 20 mínútur í tólf og var þá sendur mannskapur frá tveimur stöðvum. Samkvæmt upplýsingum frá Slökkviliðinu á höfuðborgarsvæðinu eru slökkviliðsmenn um borð og búnir að slökkva mesta eldinn. Ekki er talið að aðrir bátar eða mannvirki séu í hættu.

Ekki er vitað hvort einhver var um borð þegar eldurinn kviknaði og eldsupptök eru ókunn. 

Ævar Örn Jósepsson
Fréttastofa RÚV