Athugið þessi frétt er meira en 3 mánaða gömul.

Hækkun hrávöru merki um að botni kórónukreppu sé náð

24.11.2020 - 06:17
Mynd með færslu
 Mynd: Guðmundur Bergkvist - RÚV
Sérfræðingar álíta að kórónuveirufaraldurinn hafi náð hámarki. Hækkandi hrávöruverð sé til marks um aukna bjartsýni eftir að greint var frá árangri við þróun þriggja bóluefna við kórónuveirunni.

Sérfræðingar álíta að kórónuveirufaraldurinn hafi náð hámarki. Morgunblaðið hefur eftir Brynjólfi Stefánssyni hjá Íslandssjóðum að rekja megi hluta aukinnar spurnar eftir áli til þess að Kína og fleiri Asíulönd séu lengra komin í endurreisn en Bandaríkin og Evrópa.

Hækkanir síðustu daga séu góðar fréttir fyrir álframleiðendur en aðstæður séu krefjandi vegna aukins framboðs á áli einkum vegna mikillar framleiðslu í Kína.

Brynjólfur gerir ráð fyrir að olíuverð muni hækka, en óverulega. Jón Bjarki Bentsson aðalhagfræðingur Íslandsbanka tekur undir það í samtali við Morgunblaðið og segir samhengi milli hækkana og tíðinda af þróun bóluefna.