Athugið þessi frétt er meira en 5 mánaða gömul.

Daði og gagnamagnið á topp tíu lista Time

Mynd með færslu
 Mynd: Baldur Kristjánsson - RÚV

Daði og gagnamagnið á topp tíu lista Time

24.11.2020 - 00:11

Höfundar

Lag Daða og Gagnamagnsins Think About Things er á lista tímaritsins Time yfir tíu bestu lög ársins. Það eru lögin sem voru spiluð aftur og aftur árið 2020 og svo aftur.

Á listanum er að finna lög á borð við „Little Nokia" í flutningi Bree Runway, „Back Door" suður-kóresku hljómsveitarinnar Stray Kids og „WAP" með rapparanum Cardi B og Megan Thee Stallion.

Lagið hans Daða Freys er sagt vera algert heilalím, dásamlegt rafpopp með grípandi viðlagi og dillandi bassalínu. Think About Things, sem eins og flestir muna átti að vera framlag Íslands í Eurovision söngvakeppninni 2020, er í sjötta sæti lista Time.

Í umfjölluninni er sagt að lagið hafi verið álitið sigurstranglegt en hafi öðlast eigið líf og farið eins og eldur í sinu um samfélagsmiðla. Ekki síst megi þakka það danssporunum frægu en lagið sjálft sé nógu gott til að ná langt út fyrir Eurovision-heiminn.

Á toppi listans trónir lagið „People I’ve Been Sad“ með Christine and the Queens sem höfundurinn Héloïse Letissier samdi á síðasta ári eftir fráfall móður sinnar.

Tengdar fréttir

Popptónlist

Daði Freyr gerir það gott erlendis og fleira gott

Tónlist

Daði kemur fram á fimmtudagskvöldinu í Eurovision

Tónlist

„Ætla að reyna að koma fyrir tveimur upphækkunum“

Menningarefni

Daði Freyr í Eurovision 2021