Guðjón Þórðar hættir með Víking Ó.

Mynd með færslu
 Mynd: RÚV

Guðjón Þórðar hættir með Víking Ó.

20.11.2020 - 18:31
Guðjón Þórðarson verður ekki áfram þjálfari Víkings Ólafsvíkur, þrátt fyrir að hann hafi haft áhuga á áframhaldandi starfi í Ólafsvík.

Guðjón tilkynnti þetta á Facebook nú undir kvöld og segir að ekki hafi náðst samkomulag um áframhaldandi samstarf. Guðjón tók við Ólafsvíkingum á miðri síðustu leiktíð.

„Ljóst er orðið að ég verð ekki í þjálfari Víkings Ólafsvík á næstu leiktíð þó ég hafi haft áhuga á því. Mismunandi áherslur sem leiddu til þess að ekki náðist samkomulag um framhald á samstarfi. Þrátt fyrir að ég hafi gert þeim tilboð sem ég tel að hafi verið mjög sanngjarnt miða við gefnar forsendur og mun lægra en forveri minn í starfi hafði. Ég óska Víkingum alls hins besta og þakka samstarfið. Leikmönnum, aðstoðarmanni og öðru samstarfsfólki vil ég þakka sérstaklega fyrir gott samstarf. Fótboltakveðja," segir Guðjón á Facebook-síðu sinni.