Athugið þessi frétt er meira en 10 mánaða gömul.

Fauci segir bóluefnin traust

20.11.2020 - 01:09

Erlent · Anthony Fauci · Bandaríkin · Bóluefni gegn COVID-19 · Norður-Ameríka · Smitvarnir

epa08830036 Dr. Anthony Fauci, Director of the National Institute of Allergy and Infectious Diseases at the National Institutes of Health participates in a briefing with members of the White House Coronavirus Task Force at the White House in Washington, DC, USA, 19 November 2020. EPA-EFE/Chris Kleponis / POOL

Mynd: EPA-EFE - Consolidated News Photos POOL

Anthony Fauci helsti smitsjúkdómasérfræðingur Bandaríkjanna segir óháðar prófanir sýna að tvö ný bóluefni gegn kórónuveirunni séu traust. Hann tilkynnti þetta fyrr í dag.

Efnin voru þróuð hjá Pfizer og BioNTech annars vegar og hins vegar hjá bandaríska lyfjaþróunarfyritækinu Moderna.

Fauci segir að þrátt fyrir þann skamma tíma sem þróun efnanna hefur tekið hafi hvergi verið slegið af í öryggiskröfum og vísindalegum aðferðum.

Sömuleiðis lagði hann ríka áherslu á að prófanirnar hafi verið gerðar af óháðum rannsóknarstofum án nokkurs þrýsting stjórnmála- eða embættismanna.

Niðurstöður rannsóknarinnar verða nú yfirfarnar af Matvæla- og lyfjaeftirliti Bandaríkjanna en BioNTech hyggst sækja um neyðarleyfi til notkunar bóluefnis þess fyrir vikulok.