Athugið þessi frétt er meira en 4 mánaða gömul.

Slökktu eld í bíl í Ártúnsbrekku

Mynd: RÚV - Guðmundur Bergkvist / RÚV - Guðmundur Bergkvist
Slökkviliðið á höfuðborgarsvæðinu fékk nú um klukkan sjö tilkynningu um að eldur logaði í bíl í Ártúnsbrekku.

Samkvæmt varðstjóra hjá slökkviliðinu varð ökumaður bílsins var við að reykur kom upp úr húddinu. Hann stöðvaði því bílinn á afrein og kallaði eftir aðstoð. Greiðlega gekk að slökkva eldinn, sem var staðbundinn í vélarrými, en líklegt má telja að bíllinn sé ónýtur.

Þá fékk slökkviliðið tilkynningu um mögulegan eld í húsi í Barmahlíð undir kvöld. Iðnaðarmenn sem voru að störfum við þak fundu brunalykt, og reyndist glóð vera á milli þilja. Slökkviliðið stóð vaktina í nokkurn tíma til þess að tryggja að vettvangurinn væri öruggur og að eldur myndi ekki breiðast út vegna þess.

Fréttin hefur verið uppfærð.

Mynd með færslu
 Mynd: RÚV - Guðmundur Bergkvist
Greiðlega gekk að slökkva eldinn.
andriyv's picture
Andri Yrkill Valsson
Fréttastofa RÚV