Athugið þessi frétt er meira en 8 mánaða gömul.

Rússar og Tyrkir ræða sameiginlegt eftirlit

12.11.2020 - 09:03
epa08782819 A view of a damaged house in the town of Shushi (another spelling Shusha) in the Nagorno-Karabakh Republic, 29 October 2020, after allegedly Azerbaijani shelling. Armed clashes erupted on 27 September 2020 in the simmering territorial conflict between Azerbaijan and Armenia over the Nagorno-Karabakh territory along the contact line of the self-proclaimed Nagorno-Karabakh Republic (also known as Artsakh).  EPA-EFE/HAYK BAGHDASARYAN /PHOTOLURE
Sprengjugígur við hús í bænum Sushi í héraðinu Nagorno-Karabakh. Mynd: EPA-EFE - PHOTOLURE
Rússnesk sendinefnd er væntanleg til Tyrklands til að ræða sameiginlegt eftirlit með vopnahléi Armena og Asera. Mevlut Cavusoglu, utanríkisráðherra Tyrklands, greindi frá þessu í morgun.

Armenar og Aserar undirrituðu fyrr í vikunni samkomulag um vopnahlé sem náðist fyrir milligöngu Rússa. Þar var þó ekkert kveðið á um að Tyrkir kæmu þar nærri, en þeir studdu Asera í átökunum undanfarnar vikur. Það hefur hins vegar verið krafa Asera að Tyrkir fengju þar hlutverk.

Yfir 1.400 féllu í þessum síðustu átök Armena og Asera sem stóðu í rúmar sex vikur. Aserar endurheimtu þar svæði sem féllu í hendur Armenum í fyrri átökum þeirra á milli.

Mikil óánægja er í Armeníu með stöðu mála og nýgert vopnahléssamkomulag. Tyrkneski utanríkisráðherrann sagði í morgun að Armenar yrðu að gjalda það dýru verði ryfu þeir samkomulagið.