Athugið þessi frétt er meira en 5 mánaða gömul.

Fyrsta tap Emirates í þrjá áratugi

epa04826770 An Airbus A380 of the Emirates airline stands on a park position at the airport in Duesseldorf, Germany, 01 July 2015. The largest passenger jet of the world, the Airbus A380, starts to operate from Duesseldorf regularly.  EPA/FEDERICO
 Mynd: EPA - DPA
Arabíska flugfélagið Emirates, sem gert er út í Dúbaí, tilkynnti í dag að tap á rekstrinum á öðrum og þriðja ársfjórðungi hafi numið 3,4 milljörðum dollara. Þetta er í fyrsta sinn í meira en þrjá áratugi sem fyrirtækið er rekið með tapi.

Sjeik Ahmed bin Saeed Al Maktoum, forstjóri og stjórnarformaður Emirates, segir í yfirlýsingu að vegna heimsfaraldursins sé erfitt að spá fyrir um rekstrarhorfurnar á næstunni. Nýjar fréttir af bóluefni gegn kórónuveirunni veki þó vonir um að ástandið í flugrekstri eigi eftir að batna skjótt.

Flugfloti Emirates flutti eina og hálfa milljón farþega á öðrum ársfjórðungi, 95 prósentum færri en á sama tíma í fyrra. 

asgeirt's picture
Ásgeir Tómasson
Fréttastofa RÚV