Athugið þessi frétt er meira en 4 mánaða gömul.

Úlfar og Grímur verða lögreglustjórar

11.11.2020 - 15:48
Úlfar Lúðvíksson og Grímur Hergeirsson
 Mynd: Samsett - Ljósmynd
Úlfar Lúðvíksson lögreglustjóri á Vesturlandi verður lögreglustjóri á Suðurnesjum og Grímur Hergeirsson, staðgengill lögreglustjórans á Suðurlandi, verður lögreglustjóri í Vestmannaeyjum.

Þeir munu, samkvæmt heimildum Fréttastofu RÚV, fara til fundar við Áslaugu Örnu Sigurbjörnsdóttur innanríkis- og dómsmálaráðherra á morgun og fá þar afhent skipunarbréf sín.

Fimm sóttu um embætti lögreglustjórans á Suðurnesjum. Auk Úlfars voru það þau Daniel Johnson, fjórði æðsti herlögreglumaður svissneska ríkisins G1(USC1) undir herlögreglustjóra Sviss, Hulda Elsa Björgvinsdóttir, sviðstjóri ákærusviðs LRH, Kolbrún Benediktsdóttir, varahéraðssaksóknari og Súsanna Björg Fróðadóttir, aðstoðarsaksóknari LSS.

SJö umsækjendur voru um embættið í Vestmannaeyjum,  auk Gríms voru það þau Arndís Bára Ingimarsdóttir, settur lögreglustjóri í Vestmannaeyjum, Daníel Johnson, fjórði æðsti herlögreglumaður svissneska ríkisins G1(USC1) undir herlögreglustjóra Sviss,  Helgi Jensson, aðstoðarsaksóknari á Austurlandi, Kristmundur Stefán Einarsson, aðstoðarsaksóknari hjá ríkislögreglustjóra, Logi Kjartansson lögfræðingur og Sigurður Hólmar Kristjánsson, saksóknarfulltrúi