Mynd: RÚV
Athugið þessi frétt er meira en 7 mánaða gömul.
Guðni árnar Biden og Harris heilla
Guðni Th. Jóhannesson forseti Íslands hefur sent nýkjörnum forseta og varaforseta Bandaríkjanna, Joe Biden og Kamölu Harris, heillaóskir fyrir hönd íslensku þjóðarinnar.
Forseti áréttaði í kveðjum sínum rótgróna samvinnu og vináttu þjóðanna tveggja og langa sameiginlega sögu.
Í kveðju forsetans segir að þótt Bandaríkin séu eitt stærsta lýðræðisríki veraldar en Ísland eitt hið minnsta, deili þjóðirnar mörgum mikilvægum gildum; frelsi til hugsana og tjáningar, jöfnum rétti allra borgara, jafnrétti kynjanna, umburðarlyndi og fjölbreytni í samfélaginu.
