Athugið þessi frétt er meira en 12 mánaða gömul.

Bill Gates vúdúdúkka COVID samsæriskenninga

03.10.2020 - 08:22
Mynd: EPA / EPA
Bill Gates er helsti skotspónn samsæriskenninga um COVID-19. Hann á að stjórna samsæri heimselítunnar, vilja fækka jarðarbúum, lögbinda bólusetningar og koma örtölvuflögum fyrir í fólki. Í raun hefur hann manna mest styrkt framleiðslu á bóluefni gegn sjúkdómnum og fyrir fimm árum varaði hann við mannskæðum veirufaraldri sem gæti kostað milljónir jarðarbúa lífið.

Bill Gates kom fram á TED-ráðstefnu í Vancouver í Kanada árið 2015. Þar varaði hann heimsbyggðina við yfirvofandi heimsfaraldri sem gæti kostað milljónir mannslífa. Hann sagði að kjarnorkuváin væri ekki lengur það sem fólk þyrfti helst að óttast, heldur inflúensuveira. Ef það væri eitthvað sem gæti drepið yfir tíu milljónir manna á næstu áratugum væri það ekki stríð, heldur bráðsmitandi vírus. Það væru ekki eldflaugar sem menn þyrftu að varast, heldur örverur. Þessi varnaðarorð Bill Gates vöktu ekki mikla athygli fyrir fimm árum en nú hafa nærri hundrað milljónir horft á upptökur af TED-fyrirlestrinum. Ekki líta allir svo á að hann hafi með þessu verið að vara fólk við yfirvofandi heimsfaraldri. Ýmsir samsæriskenningasmiðir saka hann um að vera leiðtoga í samsæri heimselítunnar sem vilji stórfækka jarðarbúum. Þá er hann sakaður um að ætla að koma því til leiðar að allir verði skyldaðir í bólusetningu og um leið ætli hann að nýta heimsfaraldurinn til að koma örtölvuflögu fyrir í sem flestum jarðarbúum.

epa08685556 Football players from Indonesia's Persiraja Aceh club undergo a swab test for COVID-19 at the Syiaha Kuala University Health Laboratory in Banda Aceh, Indonesia, 21 September 2020. The Indonesian Ministry of Youth and Sports requires all soccer players to take a swab test before competing in the Indonesian League I,  which will start in October .  EPA-EFE/HOTLI SIMANJUNTAK
 Mynd: EPA-EFE - EPA

Í viðtali við BBC segist hann ekki alveg vita hvort hann eigi að hafa áhyggjur af þessum endalausu samsæriskenningum en það komi vissulega á óvart að hann sé skotspónn þeirra. Það sé sérkennilegt að leggja allt í sölurnar til að bjarga mannslífum og þróa bóluefni en vera í raun sakaður um að vilja drepa fólk. Góðgerðarstofnun þeirra Bill og eiginkonu hans Melindu Gates hefur lagt af mörkum gríðarlega fjármuni. Sjálfur segist Bill stoltastur af þeim milljónum barna sem séu á nú lífi vegna bólusetninga sem stofnunin hefur tekið þátt í um allan heim.

epa05919926 Philanthropist and co-founder of Microsoft, Bill Gates, left, and his wife Melinda listen to the speech of France's President Francois Hollande, prior to being awarded of the Legion of Honor at the Elysee Palace in Paris, France, 21 April 2017. French President Francois Hollande is making Bill and Melinda Gates commanders in the Legion of Honor for their philanthropic activities, notably the Microsoft founder's efforts to improve public health and encourage development in poor countries.  EPA/KAMIL ZIHNIOGLU / POOL MAXPPP OUT
 Mynd: epa
Bill Gates og Melinda Gates

Bill Gates segist hafa miklar áhyggjur af kórónuveirufaraldrinum sem nú þegar hafi haft mjög alvarlegar afleiðingar fyrir lýðheilsu fólks, hafi dregið mjög úr matvælaframleiðslu og dreifingu matvæla sem hafi leitt af sér verulega hækkun á matarverði til alls almennings. Hann segir við BBC að þjóðir heims verði að taka höndum saman við þróun bóluefnis gegn COVID-19. Auðugri þjóðir heims og þar með talin Bandaríkin hafi ekki gert nægilega mikið til að tryggja að bóluefni standi öllum til boða, ríkum og fátækum, þegar fjöldaframleiðsla á þeim hefst. Góðu fréttirnar, segir hann, séu hins vegar að þróun á bóluefni sé mjög vel fjármögnuð og þar hefur hann ekki látið sitt eftir liggja.

epa08687379 Supporters of the COVID Memorial Project place 20,000 American flags on the National Mall as the US coronavirus death toll reaches 200,000 lives lost to date, in Washington, DC, USA, 21 September 2020. To date, the global death toll from the pandemic is approaching one million.  EPA-EFE/JIM LO SCALZO
 Mynd: EPA-EFE - EPA

Rory Smith hjá staðreyndavaktinni First Draft News segir að samsæriskenningarnar um Bill Gates séu legíó. Hann sé í raun eins konar vúdúdúkka sem allir vilji stinga á hol með sínum samsæriskenningum. Það sé kannski ekki óeðlilegt að hann sé vúdúdúkkan, því hann hafi lengi verið í forsvari við lýðheilsumálefni. Samkvæmt rannsókn The New York Times og Zignal Labs var Bill Gates ranglega tengdur við kórónuveirufaraldurinn í tólf hundruð þúsund skipti í sjónvarpi og samfélagsmiðlum, bara á tímabilinu febrúar til apríl. Mikið af því var sett á Facebook og deilt áfram í margmilljónavís. Kínverska TikTok var líka mikið notað af þessum samsæriskenningasmiðum. Sem dæmi um þessar samsæriskenningar má nefna að Bill Gates á að hafa prófað bóluefni á börnum í Afríku og á Indlandi sem hafi orðið mörg þúsund börnum að aldurtila eða skilið þau eftir örkumla. Þá á hann að hafa komið fóstureyðingarlyfi fyrir í bóluefni gegn stífkrampa í Kenýa. Tugþúsundir hafa deilt og milljónir horft á myndbönd þar sem hann er sakaður um að fækka jarðarbúum stórkostlega með bólusetningum og fóstureyðingum í slagtogi við stjórnvöld í Kína. Milljónir hafa líka skoðað myndbönd þar sem Bill Gates er sakaður um að koma tölvuörflögu fyrir í þeim sem hann lætur bólusetja. Samkvæmt könnun Yahoo News og YouGov trúir ríflega fjórðungur Bandaríkjamanna og nærri helmingur Repúblikana því að Bill Gates vilji notfæra sér bólusetningar við kórónuveirunni, til þess að koma örflögum í líkama fólks.

epa08692774 Pupils, mothers, teachers and janitors gather at the entrance of the Carlo Poerio middle school in Naples, southern Italy, 24 September 2020. The bell rang in Naples for the students who, today, return to school, after the long stop imposed by the lockdown. Admissions staggered by time slots, for children, so as to reduce the risk of contagion from covid, with separate entry and exit routes.  EPA-EFE/CIRO FUSCO
 Mynd: EPA-EFE - ANSA

Í TED-fyrirlestrinum í Vancouver í Kanada árið 2015 sagði Bill Gates að undirbúningur fyrir yfirvofandi heimsfaraldur ætti að vera í algjörum forgangi. Tíminn væri naumur og menn ættu að nýta ebólufaraldurinn sem þá var í algleymi sem viðvörun. Ef vel væri haldið á spöðunum gæti heimsbyggðin verið tilbúin þegar næsti heimsfaraldur riði yfir - faraldurinn sem nú er orðinn að veruleika, fimm árum síðar.

palmij's picture
Pálmi Jónasson
Fréttastofa RÚV