Athugið þessi frétt er meira en mánaðargömul.

Guðmundur á Núpum játaði sök fyrir dómi

epa08479891 Protestors hold up signs while demonstrating in the street past The Plaza Hotel in New York, USA, 11 June 2020, over the death of George Floyd. A bystander's video posted online on 25 May, appeared to show George Floyd, 46, pleading with arresting Minneapolis Police officers that he couldn't breathe as an officer knelt on his neck. The unarmed Black man later died in police custody. According to news reports on 29 May, Derek Chauvin, the police officer in the center of the incident has been taken into custody and charged with murder in the George Floyd killing. On 03 June three other officers on scene were charged with aiding and abetting murder of second degree.  EPA-EFE/JASON SZENES
 Mynd: EPA - RÚV
Guðmundur A. Birgisson, oftast kenndur við bæinn Núpa í Ölfusi, játaði sök þegar fyrirtaka var í máli héraðssaksóknara gegn honum fyrir Héraðsdómi Suðurlands í síðustu viku. Var málið því flutt sem játningamál. Guðmundur var ákærður fyrir 300 milljóna króna skilasvik og peningaþvætti.

Guðmundur var úrskurðaður gjaldþrota í desember 2013. Hann var mjög umfangsmikill fjárfestir á árunum fyrir hrun, átti meðal annars hlut í Lífsvali sem var eitt stærsta jarðafélag landsins. Það keypti á fimmta tug jarða víðsvegar um landið, sauðfjárbú, kúabú og réð auk þess yfir rúmlega milljón lítra mjólkurkvóta. 

Guðmundi var gefið að sök að hafa haldið frá skiptastjóra þrotabús síns eignum sem hann átti á Spáni og í Bandaríkjunum og komið undan málverki eftir hollenskan listmálara sem síðar var selt hjá uppboðsfyrirtækinu Christie's í Amsterdam fyrir tæpar þrjár milljónir króna.

Guðmundur var einn af umsjónarmönnum minningarsjóðs Sonju Zorilla sem hagnaðist vel á viðskiptum á Wall Street í Bandaríkjunum. Sjóðnum var ætlað að styrkja langveik börn á Íslandi og í Bandaríkjunum en áætlaðar eignir Sonju um aldamótin voru um tíu milljarðar króna.

Guðmundur var ekki sáttur við skiptastjóra þrotabús síns og reyndi að fá honum vikið úr starfi fyrir fjórum árum þar sem hann taldi hann vera vanhæfan. Héraðsdómur Suðurlands féllst ekki á þá kröfu. Í dómnum kom fram að þrotabúið hefði staðið í málarekstri í Bandaríkjunum og hefði auk þess þurft að höfða 11 riftunarmál.

freyrgigja's picture
Freyr Gígja Gunnarsson
Fréttastofa RÚV