Tilkynnt um úrslit í Múlaþingi

20.09.2020 - 01:23
Mynd: Bjarni G. Björgvinsson / RÚV/Rúnar Snær Reynisson
Sjálfstæðismenn eru í lykilstöðu um myndun tveggja flokka meirihluta í nýju sameinuðu sveitarfélagi á Austurlandi. Úrslit sveitarstjórnarkosninga voru tilkynnt um klukkan hálf eitt í nótt.

Sjálfstæðismenn fengu fjóra menn kjörna og geta mynda meirihluta með Austurlistanum sem fékk þrjá eða Framsókn sem fékk tvo. 

Ellefu sitja í sveitarstjórn í nýju sveitarfélagi sem íbúar völdu að kalla Múlaþing í leiðbeinandi nafnakönnun. 

Framsókn og Austurlistinn geta líka tekið sig saman og myndað þriggja flokka meirihluta með annað hvort VG eða Miðflokki sem fengu einn mann hvort framboð. 

Í spilararnum hér að ofan má sjá úrslitin tilkynnit. Einnig úrslit til heimastjórna. 

Fram kom í viðtali við Bjarna G. Björgvinsson, formann yfirkjörstjórnar, eftir að hann kynnti úrslitin að óvenju léleg kjörsókn var á Fljótsdalshéraði eða tæp 60%.

runarsr's picture
Rúnar Snær Reynisson
Fréttastofa RÚV
Síðast:
Þessi þáttur er í hlaðvarpi