Athugið þessi frétt er meira en 6 mánaða gömul.

Fjögur virk smit í Færeyjum

08.09.2020 - 03:31
Mynd með færslu
 Mynd: KRF - Kringvarp Færeyja
Nú eru að eins fjögur virk kórónuveirusmit í Færeyjum. Siðastliðinn miðvikudag var tilkynnt að hætt yrði að skrásetja veikindi rússneskra sjómanna sem færeysk kórónuveirutilfelli.

Samkvæmt því sem segir á vef Kringvarpsins færeyska teljast 29 rússneskir sjómenn á togaranum Yantarnyy ekki lengur með virkum smitum í Færeyjum. Togarinn liggur þó enn við festar í Nólsoyarfirði. 

Smitaðir útlendingar eru fjarlægðir af listum færeyskra heilbrigðisyfirvalda eftir fjórtán daga. Sjö eru í sóttkví og einn liggur á sjúkrahúsi með Covid-19.

Alls hafa 103 þúsund kórónuveirupróf verið gerð í Færeyjum.