Fangelsisdómur fyrrverandi forseta Ekvador staðfestur

08.09.2020 - 01:43
epa06682489 Former Ecuadorian President Rafael Correa speaks during an interview in Havana, Cuba, 20 April 2018. The former president of Ecuador is visiting Cuba following the election of Miguel Diaz-Canel as the new president of Cuba.  EPA-EFE/Alejandro Ernesto
Rafael Correa, fyrrverandi forseti Ekvador. Mynd: EPA-EFE - EFE
Átta ára fangelsisdómur yfir Rafael Correa fyrrverandi forseta Ekvador var staðfestur í dag.

Correa var dæmdur fyrir spillingu og að hafa tekið við mútum úr höndum stórfyrirtækja.

Dómurinn kemur í veg fyrir að Correa, sem var forseti Ekvador frá 2007 til 2017, geti gefið kost á sér til embættis varaforseta landsins á næsta ári. Hann fullyrðir að dómurinn sé þáttur í pólítískum ofsóknum gegn honum.

Forsetinn fyrrverandi hefur hafst við í Belgíu frá 2017. Hann er eftirlýstur fyrir að hafa staðið baki því að andstæðingi hans á þingi var rænt árið 2012. Ekki er hægt að rétta yfir honum fjarstöddum vegna þess máls.

markusthth's picture
Markús Þ. Þórhallsson
Fréttastofa RÚV
Síðast:
Þessi þáttur er í hlaðvarpi