Athugið þessi frétt er meira en 8 mánaða gömul.

Skopmyndir af Múhameð birtar í Charlie Hebdo á ný

01.09.2020 - 12:03
epa08110872 French satirical weekly newspaper Charlie Hebdo's publication director, cartoonist and writer Laurent Sourisseau, known as Riss attends a discussion on the 'Freedom of Speech' , on the fifth anniversary of the attack against the satirical weekly French newspaper, in Paris, France, 07 January 2020. 07 January 2020 sees the fifth anniversary of a row of terrorist attacks in Paris, with the storming of armed Islamist extremists of the satirical newspaper Charlie Hebdo on 07 January 2015 starting three days of terror in the French capital.  EPA-EFE/CHRISTOPHE PETIT TESSON
Laurent Sourisseau, útgefandi og aðaleigandi Charlie Hebdo, í umræðum í janúar. Mynd: EPA-EFE - EPA
Á morgun hefjast í París réttarhöld yfir fjórtán mönnum sem grunaðir eru um aðild að árásinni á skrifstofur tímaritis Charlie Hebdo fyrir rúmum fimm árum, þar sem tólf létu lífið. Af því tilefni birtir tímaritið á ný umdeildar myndir af spámanninum Múhameð sem urðu kveikjan að ódæðisverkunum.

Laurent Sourisseau, kallaður Riss, aðaleigandi og útgefandi Charlie Hebdo, segir í leiðara nýjasta tölublaðs tímaritsins að hann og starfsfólk ætli ekki að láta beygja sig og aldrei gefast upp. Þá segir enn fremur að nú sé rétti tíminn til að endurbirta teikningarnar af Múhameð, það sé beinlínis brýnt í ljósi þess að réttarhöldin séu að hefjast.

Danska blaðið Jyllandsposten birti árið 2005 skopmyndir af spámanninum og ollu þær víða miklu uppnámi. Þær voru endurbirtar ári síðar í Charlie Hebdo auk þess sem tímaritið birti eigin myndir. Tvívegis var ráðist á skrifstofur Charlie Hebdo eftir birtingu skopmyndanna.

Reynt var að kveikja þar í árið 2011 og var netárás gerð á tímaritið. Þann 7. janúar 2015 létu svo bræðurnir Chérif og Said Kouachi til skarar skríða og réðust vopnaðir inn í skrifstofur Charlie Hebdo og skutu fjölda starfsmanna. Þeir voru síðan drepnir eftir æðisgenginn flótta.

Þeir bræður áttu vitorðsmenn og verða fjórtán þeirra leiddir fyrir rétt á morgun, meðal annars menn sem tengdust árás á verslun gyðinga í París, en tengsl voru þar á milli. 

 

 

Kristján Róbert Kristjánsson
Fréttastofa RÚV