Athugið þessi frétt er meira en 6 mánaða gömul.

Halda ótrauð áfram þrátt fyrir veikindi Navalnys

31.08.2020 - 16:31
epa08258771 Russian opposition leader and anti-corruption activist Alexei Navalny (C) walks alongside his spouse Yulia Navalnaya (R) and lawyer, Lyubov Sobol (L), as they take part in a memorial march for Boris Nemtsov marking the fifth anniversary of his assassination in Moscow, Russia, 29 February 2020. Nemtsov was a liberal politician and prominent critic of Russian President Vladimir Putin who was assassinated on 27 February 2015 in Moscow.  EPA-EFE/YURI KOCHETKOV
Alexei Navalny í göngu til minningar um Boris Nemtsov í febrúar í fyrra. Nemtsov var gagnrýninn á rússnesk stjórnvöld og var honum ráðinn bani árið 2015.  Mynd: Yuri Kochetkov - EPA
Samstarfsfólk rússneska stjórnarandstæðingsins Alexei Navalnys ætlar ekki að leggja árar í bát þó að leiðtogi þeirra liggi þungt haldinn á spítala. Héraðskosningar verða í Rússlandi 13. september og þar ætla þau að hvetja fólk til að kjósa eftir ákveðnu kerfi líkt og fyrir kosningar til borgarþings Moskvu í fyrra.

Lyubov Sobol, lögfræðingur sem starfar hjá stofnun Navalnys sem berst gegn spillingu, segir í samtali við Moscow Times að hún muni ekki til þess að stofnunin hafi einhvern tíma ekki verið undir þrýstingi frá stjórnvöldum. Til að mynda hafi Navalny setið inni í samtals eitt ár á síðustu árum en starfsemin hafi haldið áfram. Ekki verði gerð breyting nú þó að Navalny liggi mikið veikur á sjúkrahúsi í Berlín. Þýskir læknar hafa sagt vísbendingar um að eitrað hafi verið fyrir honum. Hans fólk telur að stjórnvöld hafi staðið að baki verknaðinum. 

Meðal þess sem er á dagskrá í héraðskosningunum í september er að kjósa átján héraðsstjóra. Navalny og félagar fengu ekki að bjóða sig fram til borgarþingsins í Moskvu í fyrra og hvöttu fólk þá til að kjósa eftir ákveðnu kerfi, sem miðar að því að kjósa þá sem líklegastir eru til að velta úr sessi fulltrúum Sameinaðs Rússlands, flokks Pútíns. Navalny var einmitt í Síberíu vegna kosninganna þegar hann varð skyndilega veikur. Þau ætla að beita sömu tækni í héraðskosningunum eftir tvær vikur.

epa07807178 A candidate for the Moscow City Duma (parliament), Lyubov Sobol, attends a rally to support opposition candidates in the Moscow City Duma elections in Moscow, Russia, 31 August 2019. Russian opposition supporters are unhappy that the district election commissions rejected signatures for independent candidates in the Moscow City Duma elections, which threatens them with denial of registration. Elections to the Moscow City Duma will be held on a single voting day on 08 September 2019. Elections will be held by the majority system - 45 deputies will be elected in 45 single-member districts. Deputies are elected for a period of five years until 2024.  EPA-EFE/SERGEI ILNITSKY WAITING FOR SERGEY CONFIRMATION OF BYLINE
Lyubov Sobol í mótmælum fyrir borgarþingskosningarnar í Moskvu árið 2019.  Mynd: Sergei Ilnitsky - EPA

„Við erum með stóran hóp af fólki með mikla reynslu sem hefur þekkingu á þessum málum og hvernig á að halda baráttunni fyrir lýðræði í Rússlandi áfram,“ segir Sobol. Þau ætli að halda ótrauð áfram. Mikil mótmæli hafa verið síðan í júlí í héraðinu Khaborvsk í austurhluta Rússlands, eftir að héraðsstjórinn, Sergei Furgal, var handtekinn, grunaður um að hafa fyrirskipað morð á kaupsýslumönnum árið 2005. Hann var kosinn í embætti árið 2018 eftir að hafa sigrað fulltrúa Sameinaðs Rússlands með miklum yfirburðum. Sobol segir að mótmælin þar, sem og í Hvíta-Rússlandi, sýni að þegar fólk hafi fengið nóg, krefjist það breytinga með einum eða öðrum hætti. Það þurfi ekki endilega leiðtoga til að skipuleggja mótmælin.

Navalny og félagar hafa síðustu ár birt fjölda myndbanda á YouTube þar sem þau greina frá niðurstöðum rannsókna sinna á spillingu tengdri æðstu valdhöfum í Rússlandi. Þau hafa einnig skipulagt mótmæli á götum úti. Navalny er oft kallaður helsti andstæðingur Pútíns forseta og hefur lögregla nokkrum sinnum gert húsleitir í húsakynnum stofnunarinnar. Eins og áður sagði hefur Navalny setið í fangelsi í yfir ár. Þá sat bróðir hans, Oleg Navalny, inni í þrjú og hálft ár fyrir fjárdrátt. Í sama máli hlaut Navalny þriggja ára skilorðsbundinn dóm. Þeir skutu málinu til Mannréttindadómstóls Evrópu sem komst að þeirri niðurstöðu að dómurinn hafi ekki verið á rökum reistur og að Oleg hafi verið pólitískur fangi.

Vill tryggja að manntjónið hafi ekki verið til einskis 

Eiginmaður Sobol var stunginn árið 2016 en lifði árásina af. Rússneski fjölmiðillinn Novaya Gazeta, greindi frá því að Yevgeny Prigozhin, hafi fyrirskipað árásina. Hann er náinn æðstu ráðamönnum og hefur verið bendlaður við afskipti af fosetakosningum í Bandaríkjunum árið 2016. Þeim ásökunum hefur hann staðfastlega neitað. 

„Það eina sem ég hugsa um núna er að gera enn betur,“ segir Sobol í viðtalinu við Moscow Times. „Ég vil tryggja að allt þetta manntjón hafi ekki orðið tli einskis.“