Athugið þessi frétt er meira en 10 mánaða gömul.

Verjendur óttast réttarmorð í áfrýjun Ratko Mladic

epa08624150 A handout photo made available by the UN International Residual Mechanism for Criminal Tribunals (UN-IRMCT) shows Bosnian Serb former general Ratko Mladic (C) arriving for his appeal against his sentence at the UN tribunal in The, Hague, the Netherlands, 25 August 2020. Mladic was found guilty by the International Criminal Tribunal (ICT) of genocide and other wartime crimes under a first-instance verdict in 2017 and sentenced to life.  EPA-EFE/Leslie Hondebrink-Hermer/UN-IRMCT / HANDOUT  HANDOUT EDITORIAL USE ONLY/NO SALES
 Mynd: EPA-EFE - ANP/UN-IRMCT
Í dag er fyrri dagur málflutnings fyrir Alþjóðaglæpadómstólnum í Haag þar sem tekin er fyrir áfrýjun stríðsglæpamannsins Ratko Mladic, sem dæmdur var í lífstíðarfangelsi í nóvember 2017. Lögmenn Mladic óttast réttarmorð yfir Mladic og segja hann of veikan til þess að taka þátt í réttarhöldunum.

Stríðsglæpadómstóllinn dæmdi Mladic til ævilangrar fangelsisvistar fyrir stríðsglæpi og þjóðarmorð í Júgóslavíustríðunum á árunum 1992 til 1995. Hann var meðal annars dæmdur sekur fyrir fjöldamorð í borginni Srebrenica í Bosníu og fyrir stjórn í blóðugu umsátri um Sarajevó sem stóð í 44 mánuði.

Mladic er nú 78 ára gamall, en áfrýjun hans hefur verið frestað nokkrum sinnum frá því í mars. Bæði vegna heilsubrests Mladic, og vegna kórónuveirufaraldursins. Hann fær að taka til máls í dómsalnum á morgun, en lögmenn hans eru ósáttir við réttarhöldin. Dómarar höfnuðu því fyrir helgi að fresta réttarhöldunum frekar eftir að lögmenn kröfðust þess að Mladic fengi að gangast undir læknisskoðun.

„Þessi málsmeðferð er ólögmæt“

Mladic kvartaði undan því í morgun að geta ekki fylgt réttarhöldunum nægilega vel eftir.

„Þessi málsmeðferð er ólögmæt og gæti leitt til réttarmorðs. Ég get ekki með góðu móti tekið við ábendingum fá herra Mladic, eða verið viss um að hann geti í raun áttað sig á hvað er að gerast í réttarsalnum,“ sagði Dragan Ivetic, lögmaður Mladic.

epa08624152 A handout photo made available by the UN International Residual Mechanism for Criminal Tribunals (UN-IRMCT) shows Bosnian Serb former general Ratko Mladic (C) arriving for his appeal against his sentence at the UN tribunal in The, Hague, the Netherlands, 25 August 2020. Mladic was found guilty by the International Criminal Tribunal (ICT) of genocide and other wartime crimes under a first-instance verdict in 2017 and sentenced to life.  EPA-EFE/Leslie Hondebrink-Hermer/UN-IRMCT / HANDOUT  HANDOUT EDITORIAL USE ONLY/NO SALES
 Mynd: EPA-EFE - ANP/UN-IRMCT
Ratko Mladic kemur sér fyrir í réttarsal í dag.

Darko, sonur Mladic, sagði einnig að Ratko hefði ekki getað undirbúið sig sem skildi fyrir réttarhöldin. Bæði vegna heilsu sinnar og þar sem honum hafi verið meinað að hitta verjendur sína.

„Hann hefur ekki heilsu til þess að taka fullan þátt og það er hætt við að minnið hans sé orðið gloppótt,“ sagði Darko Mladic við AFP fréttastofuna.

Geta ekki mótmælt í fyrsta sinn

Hópur kvenna sem kallar sig Mæður Srebrenica, ættingjar fórnarlamba fjöldamorðanna, hafa árum saman mótmælt fyrir utan glæpadómstólinn þegar mál Mladic hefur verið til umfjöllunar. Í fyrsta sinn verða þær hins vegar ekki á staðnum til mótmæla, vegna kórónuveirufaraldursins.

„Við vonum að Mladic verði einnig dæmdur sekur fyrir fjöldamorð í fleiri bæjum, ekki aðeins fyrir það sem átti sér stað í Srebrenica,“ sagði Munira Subasic, sem er í forsvari fyrir hópinn.