Athugið þessi frétt er meira en 7 mánaða gömul.

Óvíst hvaða áhrif nýjar reglur hafa á farþegafjölda

Áslaug Arna Sigurbjörnsdóttir, dómsmálaráðherra. - Mynd: RÚV / Skjáskot
Ekki hefur verið lagt mat á hvaða áhrif nýjar reglur um skimanir við landamærin hafa á fjölda flugfarþega. Þetta sagði Áslaug Arna Sigurbjörnsdóttir dómsmálaráðherra að loknum upplýsingafundi ríkisstjórnarinnar um landamæraskimanir í dag.

„Það eru margir þættir sem munu fækka flugferðum á komandi vikum,“ sagði Áslaug Arna.  „En það er ljóst að þetta mun hafa talsverð áhrif.“

Spurð hvort til greina kæmi að setja þau ríki, þar sem fjöldi smita fer yfir tiltekinn fjölda, á rauðan lista, áþekkan þeim sem mörg önnur lönd hafa gert, sagði Áslaug Arna að ráðleggingum sóttvarnalæknis væri fylgt í þeim efnum. Staðan breyttist hratt og mikilvægt væri að bregðast við í samræmi við það.