Tikhanovskaya var handtekin og neydd til að játa ósigur

Þetta kemur fram á vef Washington Post.  

Tikhanovskaya birti fyrst myndskeið þar sem hún segist vera örugg í Litháen og útskýrir að hún hafi yfirgefið Hvíta Rússland fyrir börnin sín. „Ég hélt að kosningabaráttan hefði styrkt mig en hún gerði það ekki. Ég neyddist til að taka mjög erfiða ákvörðun.  Þetta er mín ákvörðun og enginn, hvorki vinir né eiginmaður, gátu fengið mig til að skipta um skoðun.“

UPDATE: Tikhanovskaya speaks: Clearly distressed, she says she left Belarus for her children’s sake. “God forbid you have to face the choice I had to face.” pic.twitter.com/6mA0dYLGkl

— Christopher Miller (@ChristopherJM) August 11, 2020

Tikhanovskaya segist vita að einhverjir muni skilja ákvörðun hennar en aðrir munu hata hana. „En ég myndi ekki vilja óska neinum að vera í minni stöðu. Börn eru það mikilvægasta í lífinu.“

Skömmu síðar birtist annað myndskeið þar sem Tikhanovskaya virðist lesa upp skrifaða yfirlýsingu. Þar biður hún stuðningsmenn sína um að hætta öllum mótmælum þar sem úrslit kosninganna tali sínu máli. 

Situation gets weirder: In video apparently recorded before she left Belarus, reading from script, Tikhanovskaya calls on Belarusians to accept Lukashenko’s “victory” and stop protesting. We know she was held incommunicado at election commission yday. Seems this happened there. pic.twitter.com/eWb93Vcxap

— Christopher Miller (@ChristopherJM) August 11, 2020

Washington Post segir allt benda til þess að henni hafi verið haldið á ótilgreindum stað í nokkrar klukkustundir og hún neydd til að lesa upp yfirlýsinguna.

Tikhanovskaya sendi börn sín úr landi eftir að henni hafði verið hótað að þau yrðu send á munaðarleysingjahæli. Eiginmaður hennar, vinsæll bloggari í Hvíta Rússlandi, var handtekinn í maí.  Linas Linkeviciu, utanríkisráðherra Litháens, sagði á fréttamannafundi í dag að Tikhanovskaya hefði ekki átt annarra kosta völ en að yfirgefa landið. 

Í viðtali við BBC sagði Linkeviciu að svo virtist sem Tikhanovskaya hefði gengið á fund yfirkjörstjórnarinnar í Hvíta Rússlandi til að leggja fram kvörtun vegna kosninganna. Henni hefði í framhaldinu verið haldið gegn vilja sínum í nokkrar klukkustundir.   Hann staðfesti síðan að Tikhanovskaya hefði komið til Litháens ásamt kosningastjóra sínum.