Mynd: RÚV - Guðmundur Bergkvist - Kr - RÚV
Athugið þessi frétt er meira en mánaðargömul.
Yfir níutíu smit í Danmörku
Níutíu og eitt kórónuveirusmit var greint í Danmörku síðastliðinn sólarhring. Þau hafa ekki verið fleiri á einum degi síðan 18. maí. Sextán starfsmenn sláturhúss Danish Crown í Ringsted á Sjálandi voru þeirra á meðal. Alls hafa 32 verið greindir hjá fyrirtækinu síðustu daga.
Ritzau fréttastofan hefur eftir Jens Lundgren, sérfræðingi í smitsjúkdómum hjá Ríkissjúkrahúsinu, að í Ringsted greinist flest veirusmit í Danmörku þessi dægrin. Ekkert bendi þó til að þau eigi eftir að breiðast út til annarra hluta landsins.
