Slakað á kröfum um veitingasölu í Hong Kong

30.07.2020 - 09:00
Erlent · Asía · COVID-19 · Hong Kong · Kína · Kórónuveiran
epa08571822 A man walks out of a restaurant with his take away lunch in Hong Kong, China, 29 July 2020. A government ban on dining-in, forcing restaurant to only offer take away, started at midnight on 29 July, to stem the spread of COVID-19 in Hong Kong.  EPA-EFE/JEROME FAVRE
 Mynd: EPA-EFE - EPA
Yfirvöld í Hong Kong hafa slakað á takmörkunum varðandi sölu á veitingum - einungis degi eftir að reglur voru hertar á ný vegna fjölgunar kórónuveirusmita.

Tilkynnt var í gær að veitingastaðir fengju einungis selja fólki mat til að taka með sér, en almenningur brást hart við. Á samfélagsmiðlum voru birtar myndir af fólki að borða á gangstéttum, í almenningsgörðum og jafnvel á almenningssalernum þar sem það leitaði skjóls vegna úrhellis.

Í morgun voru kynntar nýjar reglur um að veitingastaðir mættu einungis hafa opið að degi til með helmingi færri gesti en við venjulegar aðstæður og einungis tveir sitja við sama borð.

Kristján Róbert Kristjánsson
Fréttastofa RÚV
Síðast:
Þessi þáttur er í hlaðvarpi