Athugið þessi frétt er meira en 7 mánaða gömul.

100 manna samkomutakmarkanir og 2ja metra reglan skylda

30.07.2020 - 11:11
Mynd: RÚV / RÚV
Frá og með hádegi á morgun mega ekki fleiri en 100 manns koma saman Þetta eru mestu takmarkanir sem settar hafa verið vegna COVID-19 faraldursins í tvo mánuði. Þetta tilkynnti Svandís Svavarsdóttir heilbrigðisráðhera á upplýsingafundi ríkisstjórnarinnar sem nú stendur yfir. Þessi ákvörðun á sér stoð í 12. grein sóttvarnalaga þar sem segir að ráðherra ákveði, að fenginni tillögu sóttvarnalæknis, hvort grípa skuli til ráðstafana sé fyrirséð að farsótt sé yfirvofandi.

Katrín Jakobsdóttir forsætisráðherra sagði á fundinum að 39 væru með virk smit og meira en 200 í sóttkví.

Andlitsgrímur verða skylda í almenningssamgöngum og líkamsræktarstöðvar, skemmtistaðir og aðrir staðir þar sem eru sameiginlegir snertifletir eru annað hvort beðnir um að loka eða tryggja að sameiginlegir snertifletir séu sótthreinsaðir.

 

annalth's picture
Anna Lilja Þórisdóttir