Tilslökunum á samkomubanni frestað um tvær vikur

Mynd með færslu
 Mynd: picjumbo.com - CC0
Tilslökunum á samkomubanni og lengri opnunartími skemmtistaða sem áttu að taka gildi á þriðjudag í næstu viku verður frestað um tvær vikur til 18. ágúst. Þetta var ákveðið á ríkisstjórnarfundi í morgun í samræmi við tillögur sóttvarnayfirvalda vegna nýrra hópsmita kórónuveirunnar.

Sóttvarnayfirvöld sendu heilbrigðisráðherra minnisblað í gærkvöldi þar sem þetta var lagt til. Minnisblaðið og tillögurnar voru ræddar á ríkisstjórnarfundi í morgun.

Reglur um 500 manna samkomur að hámarki og um opnunartíma spilasala og veitingastaða með vínveitingaleyfi til klukkan 23 verða því áfram í gildi.

Til stóð að rýmka þessar reglur á þriðjudaginn í næstu viku, 4. ágúst. Þá áttu 1.000 manns að mega koma saman og veitingastöðum átti að vera heimilt að hafa opið til miðnættis.

birgirthh's picture
Birgir Þór Harðarson
Fréttastofa RÚV
Síðast:
Þessi þáttur er í hlaðvarpi