Hafa náð tökum á eldum í Portúgal

27.07.2020 - 12:48
Mynd: EPA-EFE / Lusa
Slökkviliðsmenn telja sig hafa náð tökum á kjarr- og skógareldum sem hafa brunnið síðustu níu daga um miðbik Portúgals. Þeir loga í þremur héruðum og hafa valdið því að fjöldi fólks hefur flúið. Flestum hefur verið leyft að snúa aftur heim. 21 árs slökkviliðsmaður lést á laugardagskvöld og að minnsta kosti sex hafa slasast vegna eldanna.

Slökkviliðsmanna bíður erfitt verk að ráða niðurlögum eldanna vegna óhagstæðra veðurskilyrða. Spáð er hvassviðri og allt að 37 stiga hita á næstunni. Þar af leiðandi er hætta á að þeir breiðist enn frekar út.

 

asgeirt's picture
Ásgeir Tómasson
Fréttastofa RÚV
Síðast:
Þessi þáttur er í hlaðvarpi