Lokun Gróttu framlengd til mánaðamóta

20.07.2020 - 14:23
The Grotta Lighthouse was first built in 1897.  The current structure was built in 1947 and stands 24 meteres high.  The lens from the original 1897 lighthouse is still in use at the peak of this classic looking lighthouse.
 Mynd: Ron Kroetz - Flickr.com
Ákveðið hefur verið að framlengja árlega lokun friðlandsins í Gróttu í Seltjarnarnesbæ til mánaðamóta. Grótta átti vera opnuð aftur 15. júlí en þar hefur verið lokað frá 1. maí til að vernda fuglavarp.

Í tilkynningu frá Umhverfisstofnun segir að mikilvægt sé að framlengja lokunina því hætta er á verulegri röskun á fuglalífi ef svæðið verður opnað strax. Fuglalífið er enn viðkvæmt í Gróttu.

Gerð var úttekt á fuglavarpi á svæðinu og ákvörðunin tekin í framhaldi af því. Í nágrenni Gróttu yst á Seltjarnarnesi er vinsælt útivistarsvæði og þess vegna var talið mikilvægt að bregðast strax við og framlengja loikunina.

Umhverfisstofnun hefur heimild í lögum um náttúruvernd til að takmarka umferð eða loka svæðum vegna sérstaklega viðkvæms ástands náttúru.

Grótta var friðlýst árið 1974. Mjór grandi tengir eyjuna við land og hann fer í kaf á flóði. Vegna landsigs hefur strönd eyjunnar verið hlaðin upp að mestu.

Auðugt og fjölbreytt fuglalíf er í Gróttu. Samkvæmt rannsóknum sem gerðar hafa verið eru um 450 kríupör í Gróttu.

birgirthh's picture
Birgir Þór Harðarson
Fréttastofa RÚV
Síðast:
Þessi þáttur er í hlaðvarpi