„Klúbbarnir verða að lifa af“

12.07.2020 - 15:47
Mynd með færslu
 Mynd: EBU
Borgaryfirvöld í Berlín hafa ákveðið að styrkja fjörutíu og sex skemmtistaði og tónleikasali í borginni um 81 þúsund evrur hvern, sem jafngildir 13 milljónum íslenskra króna.

Skemmtistöðum og tónleikasölum í Berlín var lokað þann 14. mars vegna útbreiðslu kórónuveirunnar og enn er óvíst hvenær þeir verða opnaðir að nýju. AFP fréttastofan hefur eftir Georg Kossler, fulltrúa Græningja í ríkisstjórninni: „Ég vil að fólk fái að dansa og skemmta sér þegar faraldurinn er genginn yfir. Klúbbarnir verða að lifa af“.

Skemmtistaðirnir sem um ræðir eru margir heimsþekktir, sérstaklega meðal teknó-tónlistarunnenda, til dæmis Tresor, the Kater Club og Schwuz. 

hildurmj's picture
Hildur Margrét Jóhannsdóttir
Fréttastofa RÚV
Síðast:
Þessi þáttur er í hlaðvarpi