Lögregla varar við grjóthruni á Vestfjörðum

11.07.2020 - 15:10
Mynd með færslu
 Mynd: Halla Ólafsdóttir
Lögreglan á Vestfjörðum varar göngufólk við grjóthruni úr fjalllendi, einkum á norðanverðu svæðinu, en þar er snjór nú að losna úr giljum og getur valdið hruni.

Lögreglu hafa borist allnokkrar tilkynningar frá fólki sem hefur verið á ferð um Naustahvilft fyrir ofan Ísafjörð, þar varð stórt grjóthrun í gær og biðlar lögregla til fólks um að fara varlega á þessum slóðum.

Engin slys hafa orðið á fólki og ekki er vitað til þess að hrunið hafi valdið tjóni.

 

annalth's picture
Anna Lilja Þórisdóttir
Síðast:
Þessi þáttur er í hlaðvarpi