Hlynur bætti 37 ára gamalt Íslandsmet

Mynd með færslu
 Mynd:

Hlynur bætti 37 ára gamalt Íslandsmet

11.07.2020 - 18:45
Hlynur Andrésson fagnaði sigri í 3000 metra hlaupi á móti í Hollandi í gærkvöld. Hann bætti jafnframt 37 ára gamalt Íslandsmet í greininni.

Hlynur kom fyrstur í mark á 8:04,54 mínútum og var að bæta Íslandsmetið um rúma sekúndu. Fyrra metið var 8:05,63 mínútur, sem Jón Diðriksson setti árið 1983.

Mótið er hans fyrsta í sumar vegna áhrifa kórónuveirunnar en banni við mótahaldi í Hollandi var aflétt 1. júlí. Hann hefur því æft einn undanfarnar vikur sem virðist þó hafa gengið vel þar sem hann sló við sterkum keppendum sem hafa oft hlaupið vegalengdina á undir átta mínútum.

Hlynur á einnig Íslandsmetið í greininni innanhúss þar sem hann hefur hlaupið á undir átta mínútum. Samkvæmt tilkynningu FRÍ segist hann vilja bæta met sitt utanhúss enn frekar og fær hann tækifæri til þess þegar hann keppir næst í Belgíu eftir þrjár vikur.