Heimsfrumsýning breyttist í heimapartý

Mynd með færslu
 Mynd: Netflix - Eurovision Song Contest: The Sto

Heimsfrumsýning breyttist í heimapartý

26.06.2020 - 13:43

Höfundar

Ekkert verður af heimsfrumsýningu á Eurovision-mynd Wills Ferrell í íþróttahúsinu á Húsavík eins og til stóð þar sem ekki fékkst tilskilið leyfi hjá Netflix. Þess í stað eru bæjarbúar hvattir til að safnast saman í heimahúsum og horfa saman á myndina.

Fjölskylduráð Norðurþings samþykkti á mánudaginn að bjóða bæjarbúum upp á tvær sýningar á myndinni í dag. Íbúar í sveitarfélaginu er að vonum spenntir fyrir myndinni enda að stórum hluta tekin upp á Húsavík.

Í gær varð hins vegar ljóst að Netflix, sem framleiðir myndina, veitti ekki heimild fyrir sýningunni þótt fyrirtækið hafi upphaflega tekið vel í hugmyndina. Sveitarfélagið leggur því til að fólk komi saman í heimahúsum. „Við hvetjum íbúa til þess að koma saman í heimahúsum og horfa saman á myndina og væntum þess að fjöldi einstaklinga úr samfélaginu vinni leiksigur á skjánum,“ segir á heimasíðu Norðurþings.  

Myndin er aðgengileg á Netflix frá og með deginum í dag. 

Tengdar fréttir

Kvikmyndir

Vilja heimsfrumsýna Eurovision-mynd Ferrells á Húsavík