Mynd: Jóhannes Jónsson - RUV.IS
Athugið þessi frétt er meira en 1 ára gömul.
Uppgerðum áttæringi róið á ný
Hafliði Aðalsteinsson, skipasmíðameistari og formaður Bátasafns Breiðafjarðar, afhenti nýverið Hjálmari Kristjánssyni útgerðarmanni á Rifi áttæringinn Ólaf Skagfjörð. Hjálmar fjármagnaði endursmíði bátsins.
Skessuhorn greinir frá þessu.
Hafliði vann að endursmíði bátsins frá haustinu 2019 en talið er að Bergsveinn Ólafsson, bóndi og skipasmiður í Bænum í Bjarnareyjum hafi upphaflega smíðað hann árið 1885.
Ólafur var í notkun allt til ársins 1962 en þá færði ekkja síðasta eiganda hans Sjóminjasafninu á Hellisandi bátinn að gjöf.
Á notkunartíma bátsins tók hann nokkrum breytingum, til dæmis var sett í hann vél á þriðja áratug síðustu aldar.
Eftir að nýr eigandi hafði fengið bátinn afhentan var hann sjósettur og honum róið um höfnina í Rifi.
Að því loknu var báturinn sýndur á Sjóminjasafninu á Hellissandi á sjómannadaginn.
