Ákærður fyrir að nauðga tveimur konum með alzheimer

Mynd með færslu
 Mynd: cc0 - pixabay
Karlmaður um sjötugt hefur verið ákærður fyrir að nauðga tveimur konum um áttrætt sem báðar voru með alzheimer á háu stigi. Konurnar krefjast þess að maðurinn verði dæmdur til að greiða þeim tvær milljónir hvorri um sig í miskabætur.

Ákæran var þingfest í Héraðsdómi Reykjaness í maí en var gefin út í byrjun apríl. 

Í ákærunni er maðurinn sagður hafa nauðgað annarri konunni í maí eða júní fyrir þremur árum. Honum er gefið að sök að hafa notfært sér að konan var með heilabilun af völdum blóðrástruflana og alzheimer sjúkdóm á háu stigi. Þannig hafi hún ekki getað spornað við verknaðinum eða skilið þýðingu hans.

Manninum er jafnframt gefið að sök að hafa nauðgað hinni konunni þrisvar  haustið 2018. Hann er sagður hafa notfært sér að konan var með alzheimer sjúkdóm á háu stigi og gat þannig ekki spornað við verknaðinum eða skilið þýðingu hans.

freyrgigja's picture
Freyr Gígja Gunnarsson
Fréttastofa RÚV
Síðast:
Þessi þáttur er í hlaðvarpi