Mynd: wikipedia
Lokað við Skógafoss vegna stígagerðar
Búið er að loka fyrir aðgengi að Skógafossi þar sem verið er að vinna að lagfæringum stíga. Lokað er vegna öryggis þar sem þyrla er notuð til verksins til að flytja hráefni. Á meðan þyrlan er nýtt við verkið, frá morgni og fram eftir degi er lokað. Opið verður seinni part dags og á kvöldin, að sögn Daníels Freys Jónssonar, sérfræðings í náttúruverndarteymi hjá Umhverfisstofnun.
Áætlað er að stígagerðin með þyrlunni taki fjóra til fimm daga. Göngufólki, sem ætlar Fimmvörðuháls, verður hleypt í gegn í hollum í samráði við landverði á staðnum. Landverðir eru á bílastæðum og taka á móti fólki. Göngufólki er svo hleypt af stað þegar færi gefst, til dæmis á meðan tekið er eldsneyti á þyrluna.
Þyrla var einnig nýtt við stígagerð á Esjunni á dögunum og var þessi mynd þá tekin. Mynd: Eggert Þór Jónsson - RÚV
