Sydney, stærsta borg Ástralíu. Mynd: nn - wikipedia
Bíl ekið inn í verslun í Sydney
Tólf var veitt aðhlynningu eftir að maður ók bíl inn í verslun í Sydney sem selur andlitsslæður. Ökumaðurinn og ellefu vegfarendur slösuðust í atvikinu. Samkvæmt lögreglu hafði bílstjórinn ekið bílnum sínum aftan á aðra bifreið á umferðarljósum fyrir framan búðina.
Miðað við myndbönd sem birt voru á samfélagsmiðlum virðist ökumaðurinn gera sig tilbúinn til að aka á fullri ferð frá umferðarljósunum og á búðina.
#BREAKING: Distressing footage of a car slamming into #HijabHouse days before Eid in Greenacre NSW. Numerous girls injured. pic.twitter.com/r8KjUfgCTG
— Rayane Tamer (@rayane_tamer) May 21, 2020
Guardian hefur eftir lögreglu að flestir hinna slösuðu séu konur á aldrinum 18 til 30 ára. Þær voru allar inni í versluninni þegar bílnum var ekið inn í hana. Lögreglan segir ekkert benda til þess enn sem komið er að þetta hafi verið hryðjuverk. Viðbragðsaðilar telja áverka hinna slösuðu ekki vera lífshættulega.
