Vara við neyslu á kræklingi úr Hvalfirði

08.05.2020 - 18:03
Mynd með færslu
 Mynd: Elvar Árni Lund - Morgunvaktin
Matvælastofnun varar við tínslu og neyslu á kræklingi úr Hvalfirði. DSP þörungaeitur hefur greinst yfir viðmiðunarmörkum í kræklingnum. Þetta kemur fram í tilkynningu frá Matvælastofnun.

Niðurstöður mælinga úr kræklingi sem safnað var 4. maí við Fossá í Hvalfirði leiddu í ljós að DSP þörungaeitur var 260 µg/kg í kræklingum en viðmiðunarmörkin eru 160 µg/kg. Þar sem magn eiturs er mikið má búast við að eitrið verði viðvarandi í sumar.

DSP þörungaeitur í kræklingi getur valdið kviðverkjum, niðurgangi, ógleði og uppköstum. Einkenni koma fram fljótlega eftir neyslu og líða hjá á nokkrum dögum.

Innlend framleiðsla á kræklingi er undir eftirliti Matvælastofnunnar sem segir enga ástæðu til að varast krækling sem ræktaður er hér á landi. Reglulega séu tekin sýni af skelkjöti og sjó til að fylgjast með magni eitraðra þörunga.

solveigk's picture
Sólveig Klara Ragnarsdóttir
Fréttastofa RÚV
Síðast:
Þessi þáttur er í hlaðvarpi