Halla Bergþóra nýr lögreglustjóri á höfuðborgarsvæðinu

30.04.2020 - 18:18
Mynd með færslu
 Mynd:
Halla Bergþóra Björnsdóttir hefur verið skipuð lögreglustjóri á höfuðborgarsvæðinu frá 11. maí. Hún var valin úr hópi þriggja umsækjenda til að gegna starfinu. Halla Bergþóra var metin hæfust umsækjenda af hæfnisnefnd.

Alls sóttu fjórir um embættið, en eins og fram kom á ruv.is fyrr í dag dró einn þeirra, Jón HB Snorrason, umsókn sína til baka. Halla Bergþóra er lögfræðingur að mennt og hefur gegnt embætti lögreglustjórans á Norðurlandi eystra frá árinu 2015. Þar áður gegndi hún embætti sýslumanns á Akranesi frá árinu 2009.

 

Jón Hákon Halldórsson
Fréttastofa RÚV
Síðast:
Þessi þáttur er í hlaðvarpi