Mynd: EPA-EFE - EPA
Athugið þessi frétt er meira en 1 ára gömul.
Vopnahléi lýst yfir vegna kórónuveirufaraldursins
Hernaðarbandalag sem Sádi arabar leiða í Jemen lýsti einhliða yfir tveggja vikna vopnahléi í Jemen frá og með morgundeginum vegna kórónuveirufaraldursins. AFP fréttastofan hefur eftir háttsettum embættismanni í Sádi Arabíu að búist sé við því að uppreisnarsveitir Húta fallist á vopnahléð.
Vopnahléið tekur að óbreyttu gildi klukkan níu í fyrramálið að íslenskum tíma.
Hingað til hefur enginn greinst með sjúkdóminn í Jemen. Hjálparstofnanir óttast hins vegar að um leið og veiran kemur til landsins eigi hún eftir að hafa hrikaleg áhrif. Ástandið í mannúðarmálum í Jemen er nú þegar það versta í heiminum að mati Sameinuðu þjóðanna.
