Athugið þessi frétt er meira en 11 mánaða gömul.

Tveir í haldi vegna andláts í Hafnarfirði

06.04.2020 - 09:38
Mynd með færslu
 Mynd: Birgir Þór Harðarson
Kona um sextugt fannst látin í heimahúsi í Hafnarfirði í nótt. Tveir karlar, annar um þrítugt og hinn á sextugsaldri, voru handteknir vegna málsins. Þetta kemur fram í tilkynningu frá Lögreglunni á höfuðborgarsvæðinu.

Tilkynning um málið barst lögreglunni klukkan hálf tvö í nótt. Þegar lögregla kom á vettvang var konan látin. Mennirnir tveir sem voru á heimilinu voru handteknir í þágu rannsóknarinnar, segir í tilkynningunni. Rannsóknin beinist meðal annars að því hvort mennirnir hafi átt þátt í andláti konunnar. Ekki hefur verið fram fram á gæsluvarðhald yfir mönnunum en það skýrist síðar í dag, samkvæmt upplýsingum frá Karli Steinari Valssyni, yfirlögregluþjóni. 

Þórhildur Þorkelsdóttir
Fréttastofa RÚV